حكايتي امغير اسمعوها

منوره مواطنة ليبيه متأكد يومياتك هلبه يستوا فيها تقبلي مروري

مواطنة ليبية هيا احكي لنا يومياتك نحتاج السماع اليها

ياهلا
ارجعت ليكم ياوجوه الخير والخمير
شنو بنجكي ولا انحكي
رحلة روما غبرت فيا خلت عيوني قوية
ومعاد ايعجبني العجب ولاالصيام في رجب
فرق كبير علي الداموس اللي كان دامسني فيه سيدي
وعلي بيت ورد الخال
اللي اتقول بيلهدوا فيه الخيل
ياباب اتقول بتريح فيه كانك خشيت مع جهة تنسي روحك من طلعت ياودي
ناس ياباب والمنجوهه ورد الخال هالعز الكل مش عاجبها تبي اتعبش عيشة الدواميس والحقف ياودي هالفرخة شبحتي فيها وجها وجه فقر
المهم هات ياتدهوير وهات ياشوارع وهات يامحلات
شارع اطويل كبير ايقوله شارع اسبانيا كل يوم وتالي اتقاني فيه مع ورد الخال وهات ياشري ياودي قلتها ياورد الخال بالله يابنت اهلي وين بنلبسه بين الطوابي والدراديح
هيه وخلاص
المهم قول كمل سيدبي المعاينة
وقال هيا توا نبو اروحو ياودي ماطاب علي خاطري لكن المراه مننا شنو عندها من راي ايسوقوها وين مايسوقوها تنساق وروحنا وصلنا الدشرة واجو اصغار خوتي يتلاهدوا ماقردهم مرحبين
مغير ايستنوا في فتح الشناطي
وقمزت بعد مع امي وخوتي سلمت ودرت روحي حاجة كبيرة وابديت ننفخ في ريشي اتقول اعليا قروج ببي
وخوتي ايساوقوا فيا ويقولي بنجوره ياسنسورا
يعطيكم كورة
سكتهم سيدي خلي اختكم ترتاح وانتم اتقول اعليكم اعدوينها مش خوتها
ونسوين خوتي اترقبوا شنو جايبتلهم من روما اللي يسمع ايقول ايجيبولي فيه كل ماايقرقر وا خوتي كان مايمشي لاهلهم سحقة انساوين الخوت
المهم خشيت اتمرقدت من توديشين الطريق
ووليت لفراشي
والمخدة
ويتبع

ورجعت حليمة لعادتها القديمة
بين النخل والبئر والزيتونة الحقنا الندم يارتهم
ماجونا
بعد راحة
نوضت علي اعياط سيدي وهو ايقول لامي الشياه
بعدي
ضاعوا
شوركم
امصيمينهم
وجيته انتكابه
واني انقوله
تخيرك ياسيدي كنت لاباس عليك
في روما
حتي اكلامك طرفة
نحاسبك غير اتبكشت
وما صدقت
ارجعت لهطابيه
وبديت في العياط ونقان
اسكتي ياطفلة
مانا تبيني نسكت علي رزقي اللي سايب قدام عيني
هيه وهات شني ايسكت سيدي
ماهو كان افتح السرينا
هات شني ايوقفه
ورجعت للطنجرة والقدر والصونية
وبعد العشي قال خوي حسن لسيدي اولادك بيروحوا من بلاد عبدالله ولد حسين
قاله سيدي وانت من قالك
قاله
اتصلوا بيا وغدوة امروحين
واجاك الشقاء ياسانيه
واني كيف قعمزت بناخد اتوسيطة شاهي لين رن التلفون
قالي سيدي ردي ياطفلة
ومحرفها من رده
لقيت المنجوه
ولد سيدي
ومصدق اسمع صوتي لين ابدي يتنهد وهو ايقول اشحالك
يانور عيوني اعطيك ضربة المدهوني
اتجي علي نظارتك تكسرها قالي كنك
يابنية نا ايش عاملك تقهري فيا
بين عيال سيدي
والحومة
قالي سيدي من اتكلمي
ياطفلة
قتله هاك
ولد خوك
وابدي سيدي يسأل فيه علي وشونه واهله
يااعطيه نحلة
اتقرصوا وين مانبي اني وشويه فالي سيدي فكيني من هرجته تعالي كلميه راني مافهمت اعليه
وابدي بفتي وهو ايقولي ياغلاي
ياكان نعرف غير
شنو اللي رابطني بيك اتقول ربطة حمارة حناي تحت الروشن
وابدي يلقح في الكلام علي الانتخابات
ماهو المنحوه
ماعنده شني يخدم فيه ماغير الدوه

وباش انلعيه اكثر قتله
شنحال وشونك
قالي انتي واشوني
يانور اعيوني
قالي امتي بتجوا عندنا
سكرت اعليه الخط واكيدة ابدي زي المكلوب ينط
ماني عارفته
وياما امليعاته
ومازال شني شاف
وعاودت الجلسة مع امي وسيدي ماهو خوتي دوايح برا الدشرة
واني انقلي في الكاكاوية
قلت لسيدي ياسيدي راهي الانتخابات اقريب تبدأ وانت لاحملة
لارز لالحم
قالي ياودي سيدك اكبرت ومعاد نقدر علي هادواوي
قتله ياسيدي ماهو كلهم زيك واكبر منك البلاد هاذي ماليها غير شيابينها اتنهد وقال اونه خوتك واعمامك ايخشوا كانهم راغبينها
ياودي سيدي
حاله مايعجب مادامه فرط في هالفرصة
اللي جت لعنده
واني اللي كنت نحلم انادوني بنت البي
ماهي مقيولة
اقليل البخت يلقي العظم غي الرئة
يالعيتي القوية

عاجل
عدنا بسرعة البرق الخاطف
لنعلم الحاضر والغايب
ولد سيدي
ماصدق حصل
بطاقة الانتخاب
لين صورها واعرضها باش يضرب عصفورين
بحجر واحد
منه يستعرض اعلينا بطاقاته ومنه ايورينا كمه سورتيه المنقرطة
اه ياكبدي
ياقلت صبار ايصبرني
زعما ولد سيدي شافة عمك قومة وعمك الحصادي
روح ياكبدي لاايطخوك برصاصة ايخلوا فيك امارة
يعطيك عرعارة اتمصها علي الريق

مواطنة زعما هي ايد ولد سيدك

باين اعليها ناعمة

اكيدة يستعمل

في كريمات

ههههههه

احلي حاجة في ولد سيدك مش ايده يوك

انما الاسماء التي يختار فيها الواضح انتي مخدتيش بالك من حماماته زعما هو عنده حمام امتع التشقليب هههه

منورة هلبة مواطنة

صباحكم خير
ياهلنا
وصباحك عصيدة بالرب
ياغزال شارد
كانك علي ولد سيدي
اسكتي ساكته
ماهو
قال اليوم
بيطلع
ويدور درنة بالتركينة
ومكبر الصوت
في ايديه
وارواقينك
اتقاطر عليه
بوعي الناس
علي الانتخابات
توا ياطلع يابيطلع

وكان ياودي
كله دفنقي
زايد توا راهو
يجغم في حليب الحكة
مع مازانة شاهي
وكارس علي النت

ماني عارفته
وعارف امدادار ايده
وكانك
علي الحمام
طول عمره
عايش بين اقفاص الحمام
والقطاطيس
ماهو امديرهم اصحابه
يسلوا فيه
واينسوا فيه
غدايده
وتوا بالسلامة ياهلنا راني اليوم في اجازة
وعند المساء نحكي معاكم حكايات زي الرز
وماعندي ماانقول غير جمعتكم
مبروكة
وهنية
ومسعودة
وسعيدة

ونحن ننتظر في حكاياتك المشوقة هيا والا حتي انت مختفي اختفاء الغزال

فيه شي صح

انشالله يامواطنة مش حتي انتي في اجازة مفتوحة

انا انساحبي لسبب طارئي وانشالله انشوف الغزال امعاود

نتلاقوا علي خير وهني حكايتي امغير اسمعوها - صفحة 4 6895

لهجتك غريبة مواطنة انشالله الانسحاب مايطولش هو اليوم من صبحه انسحايات واجازات وسفريات

حكاية حتي هذه

عدنا

وك ياكبادي

وسعوا

الميدان

وعلي مواطنة

رشوا

الزهر

والريحان

اللي خلاني

ندخل

المنجوه

مواطن

منجوه

المناجيه

مذهوب

الشيرة

قولوله مذهوب الشيرة

كان

جفانا

نلقوا غيره

قالك

مرشح روحه

للانتخابات

علي

حزب

راقدين الريح

يامريوح المراييح

مالقو غيرك انت ايرشحوك

ابعد

علي طريقي

اني

مواطنة

سبقتك

واللي سبق

غز

النبق

رشحت

روحي فيلك

هات غيرها

انت

مانك

عارف

اتقول كلمتين

علي بعضهم

وطول عمرك

حاصل

في التربيقة

ماعندك غير تمام

وسلام

تبي

توا

تتفلح

وادير حزب وقاع ومقيع

مانه تحسابها سايبة

لنا عودة

منورة

مواطنة

انا شايف

انك اتكوني

ديمقراطية

وتخلي ولد سيدك حتي هو ايعمل حزب ليبيا لينا كلنا

صدقتي
اختي مواطنة
في قلته
عن
مريوحك
المكعفص
لقد دخلت
فبل
قليل
لاري
مايكتبه
هذا المواطن
رايت
راي امكعفص
زي ادماغه
امكعفص
ابصر
كيف
ماقصدته
ان الوطن
يعاني
وهو
فاتح
حوار الف
الزوج
والزوجة
اقريب
ايقول
يجب انشاء فيدرالية
بين الزوج
والزوجة
اما
راقد فكر
مش ريح صح تحياتي لك

حملة شرسه ياغزال ويامواطنة علي الراجل قداش منه صبره ولاصير ايوب

حكاوي سمحة حسينا بيها تقبلي مروري اختنا مواطنة ليبية

كلامك سمح واجد تقبلي مروري

صباحكم بالخير ياهل الخير

صباح

العصيدة بالعسل

والشاي بالحليب

ومن الاخير صباحكم صباح التمر بالحليب

عدنا
باش انهدرزوا امعاكم
في هذرة ليبية
اتنوض الجروح
ماني تي محسوبتكم
كانت عندي ظروف
تي لا ياودي
مش موال زيزه
قعاداي نحلم بيها ومانطق فيها
حصيلة
سبق وحكيتلكم
علي
قصة سيدي
وتولايته
في كلامه
علي الانتخابات
بحجة المرضي
وقال مانبوش ناخدوا زمنا وزمن غيرنا وتوا خلي الشباب يشمروا علي درعاتهم ويمسكوا البلاد وماصدق
خوي فتاح ايه اسكوتي تحته كوتي
وشمر علي درعانه تي لا قصدي فتح مربوعته للماشي والجاي
واستغل اسم جدي
وما عقب
وهات
ياامشاريب
وهات يا بندقة
وصرف
باش الجماعة
ايصوتوا ليه
ياودي كان الانتخابات
زي اللي ريتها في داموسنا علي بلادنا السلام وكانكم علي خوتي الاخرين دراوا بطاقات
وقادين في اعما هم الاولي
امميتي الوديدة امبهدلينها انسوين خوتي شوقني في هاك النهار اللي تلاقيت فيه امعاهم اميمتي ايطبوا فيها زي الكرة
وخوتي جماعة كابول
ياودي انسيتوهم
كلام يزعني راهو خوي برق الليل وخوي رواق هوذا اماشين وراء تيار
يالوكان ايصير منه
جاءنا عامنا والبلح حصيلة وكان اخباري اتهمكم
قاعدة ياكبادي بين السروح بسعي سيدي وتقميزة الطوابي مع العشية اني وبنيات العويلة ونحكوا علي هموم قليباتنا

ياودي كانكم عليا اني ديما غطوطي نستقبل ومانرسل
زي المنوجه شوقني فيه
سبب علايالي
ومرضي
المنجوه
مواطن ولد سيدي الدايح يوم
في اجخرة
ويوم
في كمبوت
يشري في الاصوات
ماهو غادي عزوته
اسكتوا خلوا التبن امغطي بشعيره
ترا وين عنده عرق في الجماعة
ياودي
حصيلة جدي الله ايسامحه
اللي ربطني بيه
ياشينك ربطة
اسكتوا مش طلعت مغضوبة الولدين حرمته امها مصرية
وهو
جداه ام ابوه يعني حرمة جدي من الاخير ضرة جداي امدبرة اعليه ادبارة شينة حيساته في جروده
وشارت عليه
بها الزيزة
وهاهو ايخلخل فيها الجثة امعاها
والروح ايه معاي سكرت اعليها بقفل ورميتها في بحر الطليان
ايامات الزيارة لورد الخال
وتوا ياوجوه الخير نتلاقوا كان احيانا المولي العشية
وتاميكا نحكيلكم يوميات جديدة متجددة من حكاويا
وقبل الختام
تحية
للغادة
اعطي لعدوك هدهادة
لكنتي شنو
حكايتك
ياطفلة
اتسالي
علي
ولد الحاج امممممممم حكاية هذه

عدنا
بعد تهويدة من الليل
والليل
الليل
الليل
كثر خيره
ياودي حصيلة عندي صداع
من المنجوه ولد سيدي
اللي
اليوم
ليه شهر
وهو
يلد ويقمط
قالك
عندي امتحانات
ادعولي
شوقني فيك
يادايح
الدوايح
امتحاناتك شروهن
مايكملن

ليل
ماجاب
الليل
وهو
امكبي
علي النت
ويقول
يقرأ
لاهي
يهذرز
مع
كمشة
دوائح
امناجيه
زيه
ويصبح الصبح
ايلقط شن ياكل
ويغط في النوم
مايندري
عليها
تتعمر
والا تخلي
يعطيه
نخلة
اتنزل
اتمرات
في فمه
شوقني
فيه
سحرني
سحرة
شاكير
للعزائز والشيابين
اليوم كرت كامل
اللي خصرته عليه
منقوب الراس
وهو زي
الترباس
امقفل
اعليا
زعمتيه
زعلان
مني
علي غوط
يابس اسبوله
هو الخسران
يعطي عدوه الدي المكان
شدة علي الكاف يااخوان
تي لا
مش اخوان
البناء
انتم انتم
ومن انتم
انتم
انتم
سر غلاي
وجلايين داي
ياودي سامحوني نبي انتمرقد راسي
ايسطر فيا
والرصاص لايد بيا
تي لالالالالا
مش حرب
عرس ليبين
3 عرسان
بيوت
4 جيراننا
كل 2 خوت

من شرقا
3
خوت
من قبله
وواحد من امبحر
وهو من عيلتي
لكنتي
الليلة
مامشيتش
ماخاطريش
حرة
من بيساني وغدوه كان لي عمر
بنمشي
انتمخطر
ساعة
من زمان
ومروحة
ماعندي بال للاعراس
يبوا
هلها الطرابه
مش حالاتي

مساء الخير
اختي مواطنة بل توام روحي
نزلت بارضك وانا اعلم انك رحلتي كما رحل الكثير وها انا اعود اسال احجار الدار عن من كان هنا
وصار هناك
انا
محتاجة
لميناء ارسو فيه
انشدو سلام نفسي