الضحية الرابعة ... على كرسيـ الاعترافـ

زائر

السلاممـ عليكممـ ورحـــ الله ـــمـــ وبراكاتة ــــة
بســـ الله ـــ الرحمان ــــ الرحيم ـــم
*******
*****
***
الاسمـ الجديد على الكرسيـ هو

الآختـ سمراء
***
*****
*******
وهي عضوة قديرة فيـ منتدى إيراسا الحبيبـ ولها لمساتـ و بصماتـ حلوة و واضحة وهيـ حالياً مشرفة القسمـ الحوار المفتوحـ المفتوحـ و المواضيعـ العامة ...
والليـ تبيـ تحطة الإدارة مشرفـ نا نبيـ نحطة على الكرسيـ ...
جو شينـ يعنيـ
ونرجو منكمـ الخزرطة فيـ أسرعـ وقتـ ممكنـ
والتكرمـ بالأسئلة الحلوة و الجميلة و الخارقة منـ ناحية الخزرطة
*******
*****
***
ونتمنى لكـ قضاء أجملـ الأوقاتـ على كرسيـ الاعترافـ
ولكـ منيـ جزيلـ الشكر و الأمتنانـ و كاملـ الاحترامـ
***
والسلاممـ عليكممـ ورحـــ الله ـــمـــ وبراكاتة ـــة
***
**
*

أووووووووووووووووه
أخيرا هناك ضحية جديدة على الكرسي
منور يا حودا

زائر

بنوركـ عزيزيـ ...
**تقي**
... حتى هالمرة مريضـ وفشيتـ غليـ فيـ هالبنتـ

نورتي الكرسي سمراء ............ولي عودة ان شاء الله
ومبروووووووووووك الاشراف الضحية الرابعة ... على كرسيـ الاعترافـ Icon_cheers

أول سؤال للمشرفة سمراء
إذا أعطيتك باقة شوك لمن تهديها باستثنائي انا ....؟؟؟

و إذا أعطيتك باقة ورد لمن تهديها ...؟؟؟

و لو اعطيتك " سياقة " و " خيشة " شنو هو المكان المفضل لتسيقيه كله....؟؟؟

ساحة مفتوحة ،،،، اتقولى فيها كلمة مفتوحة على راحتك ....؟؟؟

زائر

تعجبنيـ هكيـ والله خويـ ...
**تقي**
... هذيـ الخطة على ما أعتقد يسمو فيها
"قرنـ الفلفلـ قبلـ البورديمـ"

هل من الممكن طرح سؤال من عضوة جديدة
او لازم انكون قديمة زيكم

زائر

لا لا أختيـ ...
**سامـ**
... عاديـ جداً مسموحـ للجميعـ لا قديمـ لا جديد
وخلينا نشوفو أسئلتكـ فيـ أسرعـ وقتـ ممكنـ

ويمكنـ طرحـ سؤالـ واحد مشـ ممكنـ ...
... بسـ طرحـ أسئلة ممكنـ ...

فيـ أنتظار أسئلتكـ

واخيرا اختي الكبيرة وقعت في الفخ تذكري قصة البيلة الي خليتيني انتخزرط فيها توا جا دوري ما نعرفش انخزرط حد لكن ساحاول
من هو الشخص الي ما تقبليش في المنتدي خاطي نا؟
من اول واحد خزرطك؟
من العضو الذي تحبينه في المنتدي؟
ما نوع الصراصير الي تحبيهن؟
مالسؤال الي ما اتحبيش حد يسالك عليه؟
تحياتي dernaoy10 الضحية الرابعة ... على كرسيـ الاعترافـ Lol

الضحية الرابعة ... على كرسيـ الاعترافـ Lol

زائر

نجيها يا ربيـ ...
... أسئلة ظريفة جداً جداً جداً

امممم
لنا عودة باذن الله

ووووووينها سمراء خلوها اتجي قبل الضحية الرابعة ... على كرسيـ الاعترافـ Icon_biggrin

ما عليك فيها خوي حودا مش حانقصروا معاها بلكل ان شاء الله ... مغير تقعمز بس وبعدها ساهل

اووووه انا علي كرسي الأعتراف

وبديتو في الخزرطه وأنا أخر من

نعلم (منور ياحودا) لكن ألبي كان

حاسس أن ألأخ العزيز حودا

يجهزلي في الكرسي -وإنه قعميزتي قربت

-صحيت" حودا" وسلمت علي المقدمه بارك الله فيك- ولاباس عليك (أجر وعافيه) وعينك من روحك ياليد

-
سهام الأمل النور نورك ياحنه والله يبارك فيك وسلم خيتي مانوصيكش

وتقي وين وين تبي تعطيني هذا كله (ورد وشوك ومكانسه وسياقه)
عقب حاجه لباقي الأعضاء

أختي سام خوذي راحتك وماتحشميش الخزرطه زي ماقالك حودا ماتبيش لاقديم ولا جديد تبي حد يعرف يخزرط زي ناس

خوي الصغير الدرناوي هذا كله وماتعرفش إتخزرط

خوي بلبل عارفتك مش حاتقصر الله يطمنك كيف ماطمنتي

المهم زي ماقالت دوجا لنا عوده بإذن الله للرد علي خزرطتكم-وتوه تصبحو علي خير
والسلام عليكم ورحمة الله

وانتي من اهل الخير سمراء
وبهذه المناسبة قوليلي شنو حلمتى البارح الضحية الرابعة ... على كرسيـ الاعترافـ Icon_cool

زائر

نحنـ فيـ أنتظاركـ أختيـ ...
**دوجا**
... وفيـ أنتظار مشاركتكـ

أختيـ ...
**seham alamll**
... فكينا منـ التركيبـ خير ما نردكـ منـ جديد على الكرسيـ راه لحد الأنـ مازالـ ما فشيتـ فيكـ كاملـ غليـ

منور والله خويـ ...
**بلبلـ درنة**
... الليـ درتة فيكـ نا كله ديرها فيها ما ترحمهشـ بكلـ الله الله يا باشا ما نبيـ نوصيكـ عاد

أختيـ ...
**سمراء**
... أجلـ أنتيـ على كرسيـ الاعترافـ الأنـ
أنتيـ مشـ عارفـ وينـ لاهية لهذا أخر منـ يعلمـ
(منور بنوركـ + بوجودكـ )
أجلـ ... أحساسكـ فيـ محلة
صحة على قلبكـ
وفيكـ باركـ ولو هذا مجرد أفتتاحية ... نحنا هلـ
الله لا يوريكـ بأسـ ربيـ يخليكـ و الله يسلمكـ

وأنتيـ منـ هلـ الخير
وعليكمـ ألسلآمـ ورحمة الله وبركآتة

فيـ الأنتظار

لا ياراجل ايش قصدك اب(نجيها) الضحية الرابعة ... على كرسيـ الاعترافـ Icon_scratch

اتحق في بنت الضحية الرابعة ... على كرسيـ الاعترافـ Suspect

المفروض انحطوك انت في كرسي الاعتراف عشين نسلو اشوي شنو رايك اكيدة اتقول علي هذا السانا طويل

نجيها يا ربيـ ...
... أسئلة ظريفة جداً جداً جداً

نجيكم انتو الاثنين انتو نوارة المنتدى الضحية الرابعة ... على كرسيـ الاعترافـ Icon_rolleyes

زائر

خويـ ...
**dernaoy10**
... بالعكسـ ربيـ يحفظكـ يا ليد
وكنكـ هبلـ أنتا شنـ بنتـ ما بنتـ عيبـ عليكـ تقولـ هكيـ ... بسـ نا حبيتـ ندلعكـ بسـ نظراً لأنكـ الوحيد ألليـ أصغر منيـ فيـ المنتدى ... حتى خوكـ ما شافـ شويـ راه منـ المسخطينـ الليـ معانا تعبونيـ راهمـ ... وعلى فكرة نا أولـ منـ قعمز على الكرسيـ يعنيـ أيامكـ الحلوة يا برنسـ ... إنـ شاء الله نفتحو منتدى جديد ونقعمز على خاطركـ بسـ هنا يمكنـ ... مرة ولنـ أعيد الكره ...

خويـ ...
**تقي**
... يسلمكـ ربيـ
مشكور

وينك يا سمراء الضحية الرابعة ... على كرسيـ الاعترافـ Sleep

ديرولي رنة لما تقعمز

السلام عليكم

سهام الامل

............... اه اني جيت درت بكرج قهوه علشان انصحصح اكويس وتوه غير قعمزت عالكرسي

لكن ماكنتش متوقه انه مريح ماشاء الله عليه

المهم قبل مانبدا ونجاوب علي اسئله اخي تقي واخي درناوي عندي كلمه اصغيره وتقدروه اتسموها طلب اصغير

هو انكم اديروا احسابكم انه عندكم فقط يومين تسألوني فيهن وهن الخميس والجمعه وبمعني اخر اتخزرطوني فيهن

ولو سألتوا ليش

حانقوللكم لسببين

السبب الاول اني منحبش انقعمز واجد عالكرسي

والسبب الثاني اني بعون الله يوم الاحد القادم طالعه (((عمره))) ادعولي ربي يتقبل مني

والعقبال عندكم للأثنين ((( العمره ولكرسي الاعتراف)))

وتوه انسمي بإسم الله ونستفتحوا بأسئله المدير

إذا أعطيتك باقة شوك لمن تهديها باستثنائي انا ....؟؟؟

اه هك صعبت علي الاختيار بمجرد انك استثنيت نفسك

لكن لو عطيتني باقه شوك حانعطيها لكل عضو قرأ موضوع كويس يستاهل الرد ويستحق كاتبه الشكر وهو بخل علي الموضوع وعلي كاتبه بالرد او بالشكر

و إذا أعطيتك باقة ورد لمن تهديها ...؟؟؟

نهديها لكل عضو جديد انضم لأسرتنا

و لو اعطيتك " سياقة " و " خيشة " شنو هو المكان المفضل لتسيقيه كله....؟؟؟

بالنسبه للأماكن واجدااااات اللي يبن مكنسه وسياقه لكن لو عطيتهن لي توه ولله ماني قربتهن(( واصله حدي))

ساحة مفتوحة ،،،، اتقولى فيها كلمة مفتوحة على راحتك ....؟؟؟

كلمتي لكل الاعضاء..

علشان ايراسا يكون المنتدي المميز و الافضل يحتاج الي نشاطكم و مواضيعكم المميزه فما تبخلوش عليه

*بلبل درنه* كتب:: ديرولي رنة لما تقعمز

بدون رنه ....حايفتحولك قصه رصيد ومارصيد وحتي الرنه معندهمش
خلاص قعمزت

الضحية الرابعة ... على كرسيـ الاعترافـ Icon_redface

توه اسئله اخي الصغير

من هو الشخص الي ما تقبليش في المنتدي خاطي نا؟

مفيش حد منقبلش في المنتدي كل الاعضاء تربطني بيهم علاقه مبنيه علي الاحترام ولو عضو من الاعضاء تجاوز المسموح بيه في المعامله او الاحترام حيكون هو اللي منقبلش في المنتدي

من اول واحد خزرطك؟

اول من سألني المدير

وأنت الثاني

من العضو الذي تحبينه في المنتدي؟

في اعضاء مميزين وبصمتهم واضحه في المنتدي

لو طلبت مني نذكرلك اسماء حانقولك

ام عزيزه تعجبني في تنويعها لموضيعها

سهام الامل عندها خفه ظل سواء في مواضيعها او ردودها

حودا يعجبني النشاط والحيويه اللي يعطي فيهن للمنتدي

الاخ درناوي متغرب مواضيعه قيمه ورائعه

وأكيد المدير والجهد اللي يبذل فيه المشكور عليه

وطبعا ماننسي إن كل الاعضاء خير وبركه
ما نوع الصراصير الي تحبيهن؟

اوووووووووووووه الصراصير اللي هن البقرلو او البوشبو وفي اللي يسميهن الزقرلو علي ما أعتقد

بيني وبينك منعرفش في انواعهن اللي إنشوف فيه نوع واحد ويطلع في الصيف

لو سألتني عالخنافس راه جاوبتك

مالسؤال الي ما اتحبيش حد يسالك عليه؟
السؤال اللي تكون اجابته جارحه لشخص ما

تمشي وترجعلنا بالسلامة سمراء من بلاد الحرمين
ربي يتقبل منك ان شاء الله
.هل هذه هي المرة الاولى لك

الله يسلمك اختي سهام الامل ويبارك فيك

وربنا يتقبل مني ومنك ومن الجميع صالح الاعمال

ونعم هذه بإذن الله المره الاولي لي

والعقبال عندك إن شاء الله

السلام عليكم
شن جو كرسي الأعتراف أختي سمراء؟؟
باين هكي أنو مريح جدا
س / تعرفي أتسوي ولا لا..يعني تعرفي تطبخي ؟؟
س / شن رايك بمواضيع درنة العلمية..هل هي مفيدة أم ثقيله ..بصراحه؟؟
س / بصراحه في مرة جبتي في أمتحان درجة عطيبة ومورتيهاش لهلك لعند توا؟؟
شن هي الدرجه وفي أي مادة؟؟

هذين أسألتي مش عارفه هل خزرطنك ولا لا
ربي أساعدك

سمراء
اوصفي لي شعورك الان وانتي تستعدي للذهاب لزياة المسجد الحرام

السلام عليكم
وعليكم السلام ورحمة الله وبركاته
شن جو كرسي الأعتراف أختي سمراء؟؟
باين هكي أنو مريح جدا
صح صدقتي لعند الان الكرسي مريح جدا جدا لكن بعدين الله اعلم حايتغير الحال او حيكون علي نفس الراحه

س / تعرفي أتسوي ولا لا..يعني تعرفي تطبخي ؟؟
بالنسبه للتسواي مش حانشكرلك روحي لكن الحمد لله نعرف انسوي كويس
س / شن رايك بمواضيع درنة العلمية..هل هي مفيدة أم ثقيله ..بصراحه؟؟
لا هي مش ثقيله بالعكس فيها مواضيع كويسه ومفيده مع اني مقصره واجد فيها

س / بصراحه في مرة جبتي في أمتحان درجة عطيبة ومورتيهاش لهلك لعند توا؟؟
شن هي الدرجه وفي أي مادة؟؟
اكيد مرن علي امتحانات درجتهن زفت وماوريتهن لهلي والسبب ليس خوفا من رده فعلا الاهل بل بالعكس السبب انه وصلنا لمرحله نحن ادري بمصلحتناومسأله اني انوري او مانوري مش حاتفيد بشي زي مايفيد اني نشوف وين الخطيء ووين التقصير
هذين أسألتي مش عارفه هل خزرطنك ولا لا
ربي أساعدك

صحيتي ايمان

سمراء
اوصفي لي شعورك الان وانتي تستعدي للذهاب لزياة المسجد الحرام

سهام الامل ....سؤالك رائع جدا
حانقولك شي تعرفي شعورنا زمان ونحن اصغار لما يقرب يوم العيد نقعدوا نعدوا كم يوم مازال عالعيد علشان ناخذو العيديه وعلشان نلبسوا لبس العيد
وتذكري شنو حسيتي انت لما ناقشتي بحث تخرجك((السيمينار)) هذاك الاحساس اللي ماتعرفيش كيف توصفيه

احساسي الان اكثر اكثر اكثر............. من فرحتي بالعيد وانا صغيره اللي مازالت مخزنه بعقلي واكثر بكثير من فرحتي بمناقشه بحثي و بتخرجي

كل مانتخيل اني حانزور بلاد الحرمين ونطوف بالكعبه المشرفه ونصلي بالمسجد وحانزور قبر سيدنا محمد عليه الصلاه والسلام
والروضه الشريفه.......انحس بإحساس غريب صدقيني سهام لو حكيتلك وحاولت نوصفلك مش حانقدر انوصلك احساسي

قاعده نعد كم يوم مازال علي الاحد مع اني عارفه انهن يومين لكن مازلت انأكد فيهن ونعاود انعد

» الضحية الاولى ... على كرسيـ الاعترافـ
» الضحية الثانية ... على كرسيـ الاعترافـ
» الضحية الثالثة ... على كرسيـ الاعترافـ
» الضحية الخامسة على كرسي الاعتراف
» الاسقاطة الرابعة