الضحية الثانية ... على كرسيـ الاعترافـ

نرجوهاااااااا

هههههه اللهم لاشماتة
وتي روحك ياسهام الامل
هدية ماوراها جزية

سؤال : شن رايك فى منتدى ايراسا و شن هو الموضوع المميز الى قريته بالمنتدى و ما تعليقك حول جودة و صياغة المواضيع ...؟؟

ما ينقص المنتدى في رايك ...؟؟ و هل يعتبر المنتدى واجهة لدرنة ....؟؟؟

ما توقعاتك المستقبللية لمنتدى ايراسا ...؟؟؟

و شكرا

تقى الشلوى كتب:

سؤال : شن رايك فى منتدى ايراسا و شن هو الموضوع المميز الى قريته بالمنتدى و ما تعليقك حول جودة و صياغة المواضيع ...؟؟

ما ينقص المنتدى في رايك ...؟؟ و هل يعتبر المنتدى واجهة لدرنة ....؟؟؟

ما توقعاتك المستقبللية لمنتدى ايراسا ...؟؟؟

و شكرا

السلام عليكم
بالنسبة لرأيي عن منتدى ايراسا ممتاز وهو في تقدم مستمر من حيث زيادة عدد الاعضاء وكذلك المواضيع فيه.
اما بخصوص الموضوع المتميز هناك الكثير من المواضيع المتميزة في المنتدى، اما بخصوص صياغة المواضيع جيدة الى حد ما.
ما ينقص المنتدى؟؟؟؟؟؟؟؟؟؟؟ مش عارفة يمكن مع الوقت نعرف شن ناقص في المنتدى.لكنني انا لا ارى اي فرق بين ايراسا وبين اي منتدى اخر من حيث جودة المواضيع وصياغتها.ولماذا لا يكون ايراسا واجهة لمدينة درنه وفيه هذا الكم من الاعضاء الذين لايهمهم شيء سوى الرقي بمنتدى ايراسا واعطاء صورة رائعة عن مدينتهم الحبيبة.
توقعاتي لمنتدى ايراسا:
مش حنقول توقعات .....حنقول ما تمنى لايراسا:-
ان يكون جميع الاعضاء فيه بنـــــــــــــــــــــــــــــــــــــــــــــات بس ......... هههههه انبصر اكيد....... اتمنى ان يظل المنتدى بهذه الحيوية ويدوم نشاط اعضائه وعدم انقطاعهم عن المنتدى.

خير عليكم هى الخزرطه على سوما اليوم

ياويلك منى معناها



انتظرى اسئلتى

ام عزيزه كتب:

خير عليكم هى الخزرطه على سوما اليوم

ياويلك منى معناها



انتظرى اسئلتى

اهلين ام عزيزة انستي .......بس شويا عليا بالاسئلة

اول شيء نعتزر للسادة الاعضاء و الادارة عن الانقطاع الطوووويل الخارج عن ارادتنا
و الى يسالنى عن سبب الانكتاع يبأ بارد و لا مواخزة يعنى
الجزو كساد و الامور الماشيات هناك امدلعات
-------------------------------------------------------------------------------------
امسكي ما جاك
-----------------------------
لو جاك اجنيه رصيد بالغلط ...؟؟؟ اترديه اذا لم يكلم صاحبه....؟؟؟؟
بصراحة و دون مجاملة ....!!!! كم مرة خذيتى رصيد من اى شخص من دون ما يعلم ..؟؟؟؟
كم مرة غيرتى موبايلك....؟؟ و ما هو نوع موبايلك الحالي...؟؟
كم رقم فى الموبايل و عطينى رسالتك وصلاتك بالغلط...؟؟؟
لو عطيتك 43 اجنيه توا شن اديري بيهن ...؟؟؟
من هو العضو الى تحترميه بجد فى هذا المنتدى ... و من هو العضو المميز فى نظرك ... ومن هو العضو السامط...؟؟
منتدى ايراسا فيه جو من جو البطيخ ..تقدري اتفسري مقولتى ..؟؟
اتحسي روحك مرة مرة ثرثارة و تقولى كلام مالهش قيمة....؟؟؟
اكثر شخص حقدتى عليه من ...؟؟ اتمنى شخص يسالنى السؤال هذا ...
لو عطيتك " اهراوه " و قتلك اختاري عضو و خبطيه بيها من تختاري...؟؟
---------------------------------------------------------------------
و سلاماااااااااااااااااااااااااااااات يااااااااااااااااااااااااااااااااااااا هوااااااااااااااااااااااااااااااااااااايش

الهراوة = عصا
و احسن واحد يشلط بيها " الأصيل "
ريح روووووووووووووووووحك و فكنا من جو البطيخ هههه

السلام عليكم

عزيزتى سهام عندى ليك سؤال والا انقولك سؤالين
السؤال الاول .......هل انتى من محبى الاعمال التطوعيه وان كانت اجابة بنعم ماهى نوع هده الاعمال ؟
السؤال الثانى ......ماهو ترتيبك فى العائله ؟
وشكرا ......... بصراحه انا مانحبش جو الخزرطه

اقتباس :

لكن يعجبني نشاط بعض الاعضاء مثل ام عزيزة مواضيعها رائعة ....بنت بوها

بارك الله فيك لكن عندي ملاحظة انا جو المواضيع وتنزيلهن في المنتدي مازلت مبتدئة برغم زحمة المواضيع اللي عندي
ان شالله الفترة الجاية انتعلم ونزللكم ...

ام عزيزه كتب:

السلام عليكم

عزيزتى سهام عندى ليك سؤال والا انقولك سؤالين
السؤال الاول .......هل انتى من محبى الاعمال التطوعيه وان كانت اجابة بنعم ماهى نوع هده الاعمال ؟
السؤال الثانى ......ماهو ترتيبك فى العائله ؟
وشكرا ......... بصراحه انا مانحبش جو الخزرطه

بالنسبة لسؤالك الاول نعم احب العمل التطوعي واجد الراحة فيه اكثر من اي عمل اخر
نوع العمل التطوعي الذي اعمل فيه ((((اعمل في مركز لرعاية المعاقين ذهنيباً..... اعاننا الله واياكم لفعل الخير
بالنسبة لترتيبي في العائلة انا في الوشط اكبر من 3 واصغر من 4 ..

بنت بوها كتب:

اقتباس :

لكن يعجبني نشاط بعض الاعضاء مثل ام عزيزة مواضيعها رائعة ....بنت بوها

بارك الله فيك لكن عندي ملاحظة انا جو المواضيع وتنزيلهن في المنتدي مازلت مبتدئة برغم زحمة المواضيع اللي عندي
ان شالله الفترة الجاية انتعلم ونزللكم ...

اهلا فيك بنت بوها ...انا قصدي على نشاطك وردودك على المواضيع وتواجدك المستمر في المنتدى
اما بالنسبة لتنزيل المواضيع ساهل والله مفيش صعوبة واي حاجة نحن في الخدمة

eman كتب:

السلام عليكم
يارب أتكون أمورك تمام علي كرسي الأعتراف أختي سهام الأمل
عندي لك سؤال واحد بس وهو :
هل هناك شئ ندمتي عليه؟؟ وكان فيه شن هو ؟؟
تقبلي تحياتي

اهلين اختي ايمان..والكرسي لحد الان مريح والحمد الله
الندم اكيد في اشياء فعلتها في حياتي وندمت عليها...لكن انا معاش نذكرها او نذكر نفسي بيها عشان ما نحس بالندم ويلي فات مات
بس هو مش ندم بمعنى الكلمة ...يعني في حاجات انا درتها ولكن خاب املي فيها زي مثل دراستي في المحاسبة . يعني كنت كلي امل بس بعد ما تخرجت بارتيني ما تخرجت ولا قريت محاسبة من اصله
وفي حاجة اخرى مازلت نادمة عليها اني مرة حكيت لصاحبتي موضوع وهيا بدون قصد سبب لي بعض الاحراجات والمشاكل يعني جت تبي اتكحلها عمتها ولكن حصل خير وعدت الدنيا في حالها

امنوره الكرسي . بصراحه مازالت new وماتعرفتش علي حد من المنتدي و مش عارفه شن جوكم بالزبط .anyway نبي انشارك . أسألتي:- كلمه ديما علي لسانك تستعمليها عفويآ ؟ كم منتدي امشاركه فيه غير ايراسا ؟ في من إتصبحتي اليوم بعد طلعتي من حوشكم؟ أذكري اول حرف من شخص تعرفيه ثقيل ماينزمطش حتي بسطل إمصير ؟ شن اكثر شارع عاجبك في درنه مش شارعكم طبعآ؟ شن لقب عائلتك او لمن ترجع عائلتك ؟ لو شخص دارلك مقلب بايخ بكل شن ردك إتفلمي عليه او إتمشيها له ؟ لو واحد طلق فيك (شك او لوح ) وانتي في شارع مزدحم شن ردت فعلك اتصرخي او تزمطيها ؟

Reemas كتب:

امنوره الكرسي . بصراحه مازالت new وماتعرفتش علي حد من المنتدي و مش عارفه شن جوكم بالزبط .anyway نبي انشارك . أسألتي:- كلمه ديما علي لسانك تستعمليها عفويآ ؟ كم منتدي امشاركه فيه غير ايراسا ؟ في من إتصبحتي اليوم بعد طلعتي من حوشكم؟ أذكري اول حرف من شخص تعرفيه ثقيل ماينزمطش حتي بسطل إمصير ؟ شن اكثر شارع عاجبك في درنه مش شارعكم طبعآ؟ شن لقب عائلتك او لمن ترجع عائلتك ؟ لو شخص دارلك مقلب بايخ بكل شن ردك إتفلمي عليه او إتمشيها له ؟ لو واحد طلق فيك (شك او لوح ) وانتي في شارع مزدحم شن ردت فعلك اتصرخي او تزمطيها ؟

اولا نورتي المنتدى وانستينا
اكثر كلمة ديما على لساني يا ماما
منتدى مشاركة فيه غير ايراسا2
في من اتصبح اليوم لما طلعت؟؟؟؟؟؟؟اصلا اليوم ما طلعتش من الحوش
احسن شارع شارعنا القديم هههههههه
الموقف البايخ...........حسب الشخص
لمن ترجع عائلتي العبيدات

شارع مزدحم وشك ولوح نمشي ولا كأنه حاجة صارت

وووووووينكم انا نبي ننزل من الكرسي تعبني
من الضحية يلي بعدي؟؟؟؟؟؟