مات الحشم

والله عارف انه نقد لاذع لبنات حواء ولاكن الله غالب
هناك شى يجب التنويه عليه ....
ومش غير بنات حواء بس ولاكن حتى ابن ادم
جايه الدور ما يفرحش
والقصيده هذى كنت فى جا معة الفاتح ما شى انا ودكتور معروف وفجأه القيت بنت لابسه نظاره مع ولد يمشو ويضحكو فى ضحك نيين اتحشمت من الدكتور
وقلت لازم اندير على الشباب المايص هذا شعر... ولبس البنت ما نبى نحكى الله يستر بناتنا وزوجاتنا و جميع المسلمين
والقصيده اتقول :
يا لابســـــــــــــــــــــه النظاره *كثيرات منك فى النساء يا خساره
مات الحشم

ياللى القصير لبستى
تعاليم دينك ما عليها صرتى
عيون الشباب وكلها بحوستى
تمو وراك اسراب قادح ناره
وين الحشم والعفه
وين الشرف طايح امقربع رفه
كثيرات منهن فى النساء توصفها
شراتيع فى شط الحرام سكاره
اسمله على والديك
ما يعرفوا كل البلاوى فيك
سواء منفجع والا ان واثق فيك
مات النغر راحو تريس عصارى
اتقول مع صاحبتى
مع صاحبك فى الشط رلك كذبتى
لا ذوق عام ولا احترام ذكرتى
سواء راكبه والا بلا سياره
معاد فيه حشــــــــــــــــــــــــــم
فتنه كبيره جنبكم تلــــــــــتم
ان كان ما نهضتو للجميع اتعم
موت القلب راهو قوى تياره
ايتبــــــــــــعو فى هيــــــــــــفا
و فى نانسى ام العيون رهيفا
فى اللبس والا ان كان فى الشفشيفه
معاد منهن ناخذوا الحضاره
يا لابســـــــــــــــــــــه النظاره *كثيرات منك فى النساء يا خساره
مات الحشم


بقلم :توفيق الحاسى

الحشم والزينة ...........تواصيف تمن فى هالزمان عديمة
ايام جدى وجدك كانو التريس سقيمة
فرسان صانو العرض وقت الضيمة
الا اليــــــــوم باعـــــو اصول قديمة
وخفــن روايـــــــــــاهم وخفوا القيمة
ماتوجعك بالحيل

تقى الشلوى كتب:

يا لابســـــــــــــــــــــه النظاره *كثيرات منك فى النساء يا خساره
مات الحشم
ياللى القصير لبستى
تعاليم دينك ما عليها صرتى
وين الحشم والعفه
وين الشرف طايح امقربع رفه

يا لابسه النظاره توبي قبل ما أيجي يوم الحساب وتقولي فيه خساره
ياريتني مالبست القصير ولالبست النظاره