الاهداء لريماس

ياصاحبة القلب الحنون

بكرمك اخجلتينا و قلبي لك ممنون
الله يسعدك وللخير يرشدك
وبالجنه يوعدني و يوعدك
و النجوم تحرسك و ربي يحفظك
و الفرحه في قلبي منك لها اكبر وجود
ولكي شكر و تقدير بلاحدود

و انشاالله لابأس عليك .
يقول الناس للمريض كفاره
ويرد بقولة كفر الله بلاويك
وانت قلبك طهاره انا ماأرضى المرض يجيك
لأجلك نويت اسجل زياره
واهدي لعيونك باقة ورد بحراره
و ادعي الله يشفيك

شكرا ياذوق و أكيد سلامنا لكل القبائل الليبيه اللي ذكرتيها و انزيد انضيف معاها من ضمن أكبر قبائل في درنه قبيلتي التواجير و قبيلة خوالي المصاريت .

هولاء ليس اهلا بس

هولاء الرجال الفرسان اللي مسحوا دمعة ولد بدو استنجد بيهم

وماتنسبش ورفلة درنة والزليطنية وكلنا في الاخر اهل

يدو وحضر

الانسان باخلاقه

وليس باصله

تحياتنا لمواطنة وللاخت ريماس

ربيع بالحاج كتب:

هولاء ليس اهلا بس

هولاء الرجال الفرسان اللي مسحوا دمعة ولد بدو استنجد بيهم

وماتنسبش ورفلة درنة والزليطنية وكلنا في الاخر اهل

يدو وحضر

الانسان باخلاقه

وليس باصله

تحياتنا لمواطنة وللاخت ريماس

و تحياتنا لك خونا ربيع و اكيد ماننسوش ورفلة درنه و الزليطنيه خوال امي ربي يطول في عمرها .
و اكيد كلنا اهل و خوت و ليبيا قبيله وحده لكن ماحد يقدر ينسى جذوره و اصله و هذا طبيعة الانسان كل شخص يفتخر ب اصله ايآ كان .
و واجد قبائل ماذكرناهش لكن سلامنا لكل درنه

الغزال الشارد كتب:

مواطنة بالعكس
كلامك عسل
معقولة الغزال الشارد يزعل من مواطنة وليبية
تحياتنا لربيع ولريماس
اعجبتني الخاطرة امتعك لمواطنة هلبة هلبة

كذلك تحيتنا لك الغزال الشارد

يوميات مواطنة ليبية كتب:

ياولله نهار سعيد اللي طلع فيه ولد بالحاج

توا اني نحاسب اختنا ريماس ابنت بدو
تي ماهو قالت
نبي شنو قال الحضري للبدوية

معناها ياريماس
انتي تاجورية
عاد مجسوبتك اني دكرت قبائل البدو لان الاغنية علي البدو
والحضور عاد فراشنا وغطانا
ماني منهم وعاد مانبيش نشكر اهلي ماهي قصة طويلة مرمدها جدي

جدي متزوج
زوز
الحضرية
ام سيدي
والبدوية
ام سيد ولد سيدي
ادهشت
ياكبادي راسي
راهو ايفشخ فيا
ماني مربضة وصحيتي علي سوالك عليا تفهمي في التكتيك
هاكه اللي قلتها بكري
بلله طيرلي السلام علي عائلة الطشاني
كلهم فردا فردا وكل تواجير درنة وورفلة درنة وكل القبائل اللي جت للشرق ايام زمان
وعمرت وشيدت وبنت

وك توا هات شنوبيسكتلي الغزال الشارد
ولو كان امي تسمعني تحشي في فمي الفلفل

وبعدين سيدي قالي كل قبائل ليبيا هي ترجع لبعضها يعني مثلا المنفة بيقولوا هي وورفلة من جد واحد وكل القبائل هذا زمان
ياكبدي وبعدين ياريت مجلس درنة المحلي بصدر قرار ايقول فيه يتعرض للمسالة القانونية
كل من يوقف قدام ززية حضري من بدوية
والا بدوي من حضرية
والمصاريت
هوظا الكنة منهم
واخوال سيدي مصاريت
وعمة امي
متزوحة مصراتي حر
اللي قال يامعمر ماتغتر
وتوا انشالله تقعدوا بخير وانشالله كل من ايجي في نصيب ولي وولية
اعطيه فرقاعة اقوية
اه ياكبادي ادماغي بيطربق
بالسلامة

امنوره المنتدي خيتي مواطنه و انا كان قصدي نبو الجانبين عشان ماحد يزعل و توا هكي تمام صحيتي .
و حتي انا معاك نبعت سلام لعائلة الطشاني حتي هم يعزو عليا واجد .
وانشاالله اتكوني صحيتي وبعيد السو عليكي