قصيدةسميرة

لوتطلع من الحوش سميرة ناس كثيرة في جرتها ادير مسيرة

---

لو تطلع سمحة الابسام ايصير اجرام حوادث وايصير ازدحام واناس

---

اوراها ومن قدام واللي يشبح يبدأ في حيرة

---

لو تطلع والناس اتحيرشباب كثير عرايك وايسير التكسير علي شانه بو غت غزير ومنهم في حالات خطيرة

---

لو تطع قدام الناس ايسير ارداس علي الزينة تدخل الاحباس في جرتها اكداس اكداس وزحمة من الساحة للهيرة

---

لو تطلع ممكن تختل الناس الكل من مشيت بغت انزل اللي عينه عين الهامل وفي العفة والزين اميرة

---

لو تطلع نعرف منسلها ويامجملها علي الزينة بنصاحب هلها ويوماتي السمحة انقابلها ومن المحال انديروا غيره

---

ولو تطلع من الحوش سميرة

---

رد من خالد الزنتاني علي الشاعر حسين الرياني

لو تطلع من الحوش سميرة وتمر خطاها من مخطاها تفزع كل الناس اوراها منه اللي كندرته انساها ايدف في غيره ولابس فردة من شخشيره وفيه اللي اينادي في اسماها يييييييييييا سميرة اشهادة انك في الزين اميرة حتي من العقل اسباها ناس كثيرة عقال وتوصف بالغيرة ماتدري كيف داها جاها وايش السيرة من بو عين اتقول ابحيرة ولوتطلع من الحوش سميرة

---

لو تطلع من الحوش اطلوع جموع اجموع وراء ام الشعر المردوع النقل المرئي والمسموع مع التصويرة وصحفي يكتب في تقريره منها اللي مليوع اسبوع بلا بنديره يجدب من شيره لشيره وفيه اللي قلبه مقطوع وراجع خيره ردوه وما شاف بصيرة ولو تطلع من الحوش سميرة ناس كثيرة في جرتها ادير مسيرة