حديث الصباح والمساء

الذيب تعب اليوم فنام المسكين شعرت انه حزن علي شنق بيبييات امتع الضبعه ياتري اين ذهب شيخ الاجواد ابو جرد اجبالي زعما تعب ونام ولن نحضي بقصة جديده وياريت ماتكونش كلها شنق وبهدله سبحان الله حتي حكايتنا لاتمر الا والشنق والدبح ديدنها وياريت ان ضاق به الحال ينزل عند منتدانا وسنكون انا وصديقي الذيب في استقباله بورودنا الحمراء هذا ان لم يكن يلهث وراء الفيسات والشهره والسامعتي ولكن كلمة ياريت عمره ماصار

الواضح انا سأتخد قرار النوم كشريكي في المنتدي الايراسي بعد ان بدا بمداعبة اهذابي ليس الذيب ايها المصتادون في المياه العكره بل النوم وقبل النوم اردت اعلام شيخ الاجواد ان لايسرد حكاياته وهو في حالة سكر لا اقصد سكر الدم لأن ماساتكتبه سينزل الي بحر الهاويه المبثوره في صياغة الحديث وعندها ستقدف بالبيض الفاسد من اهل الحي الذي تنزلبه ويروح فيها جردك الجبالي وتضيع هيبتك وتنهان شيبتك وماتزعلش من الغزال ولسان حالك يردد ايقونة شايبين الراس عيرتني بالشيب وهو وقار ليتها عيرت بما هو عار قلنا لاسمح الله ياشيخ الاجواد والجوده والجود ارجو ان ينزل كلامنا

كيف حالك ايها الغزال وانا اقرأ لك احس انك تكتبين تحت عنوان السهل الممتنع علي من لاتصل مداركهم لمقاصد قلمك اني فخور بك تحياتي

صباح الخير اليسار سبحت في نوم عميق البارحه انا سعيده بعودتك الي منتدانا المستقل جملة وتفصيلا ارجو ان تكون موفقا في رحلتك وشكرا علي مروري اشعر بجوع يمزق احشائي اريد ان اكل شي يفيقني من كسلي هيا تعالي افطر معايا والا زعما قاعد نايم اعتذر منك قليلا سأمر علي شيخ الاجواد اندوره وين غاطس مسكين خاش علي البحر بقدومه تشاو تشاو

ياخساره شيخ الاجواد ابصر وين ضايع ياربي هالشايب زعما مريض والا خدتاه عين زعما امشي للضهر الحمر ايدور في الترفاس توا هو بعقلك ياشيخ جماعه قمو بيخلو الترفاس اكيده اللي ماطبخوه اشوه توا كان اسالتني راهو جبتهلك بروحي هو انت مازال في جهد ادور الترفاس عليك شايب وخلاص ياشيخ الاجواد تعالي انزل عندنا واريح بالك من الجماعه اللي خاش بينهم امتع ليلك وتاليك وهم نازلين طاخ طيح في بعضهم عليك جو ايديرو فيه وخلاص هيا ياشيخ اظهر وبان ياخوفي ما مخطفوك ويبوا فيك فديه

عندما اشبع غريزة جوعي لأسكت معدتي التي لا تكف عن طلب المزيد هه اشعر برغبه بالنعاس بدل الكتابه حاصة واني اليوم في راحه من الدرس والمدرسه واللي زايد في كسلي شريكي الديب الا رايح فيها نومه واليسار اكيده تعبان من السفر انشالله بس تفكرتني بهديه هيا مر عليا وكان نمت ماتفيكنيش نبي انام بس ياريت تحكيلي كيف حال راس غليس نسيت راس جدير غريبه اجدير اكيده اسم الدلع لجذر زي سمور لسمر

عدنا نحن هنا اليسار هيا افق ياذيب تعالا لأبحث معكما امور علي بساط احمدي لا مش حمد امير قطر بل هكذا مفتوح ومنبسط الاول عن كثابيب بعدادها يفوق 18الف مسلح عندما تتسائل عن من اين تصرف رواتبهم يقولون ذاتي واشخاص اصحاب خير عليك كذب عيي عينك طيب المصروفات الاخري شر البليه مايضحك الموضوع الاخر من ينشرون مقاطع لناس عذبو من قبل العهد السابق جميل وان كان لاجمال في التعذيب لكن الاهم ان تنشر تعذيب الناس من قبل اشخاص وعدم احترام ادميتهم وحقوقهم بكل الاوقات التعذيب هو التعديب مجرد راي انا شخصيا لااري متعه في روية قهر الانسان للانسان هذا سبب والاخر الفيديو لايفتح عندي وهذا جيد يعني ملخص كل هذا الكلام الاستقلاليه في الطرح والعرض

المضحك لن اقول مبكي وانا ابحث عن شيخ الاجواد وجدت نفسي اقرأ موضوعي تحت صورتي وصوره رفيف اسنيني الذيب علي صفحه غير ايراسا ان اعجبهم موضوع اشكرهم ولكن عليهم الاشاره الي مصدره ايراسا مربط خيلي وداري لكن شرعان ما ارتحت عندما رايت اسم ريس الموقع السيد تقي الدين عبدالفتاح ابو رواق الشلوي يشير الي نسب الموضوع وهذا كله ادير فيا شيخ الاجواد شكرا للريس علي اهتمامه مع التنويه الي اني لأكتب الا هنا وبس ارجو ان توضيحي اوصل مااردته

ذيب زعما ماتكونش انت اللي عملها من وراي خلتني انام وازقبت بلهجة اهل الجبل الاخضر ونشرت عذرا في منتديات العلم والصحه ياانت ياجدتي اللي تهريني علم علي فكره انا مش زعلانه ياذيب بس مره اخري اعلمني انا اختار لك صدقتها انا حبي وحبيبي المنتدي الايراسي المستقل وياهلا بمن يحب ان يزورنا حتي لو كان حكيم الحصادي يعني التايم مش احسن منا في شي اه نسيت عبدالحكيم حتي لايقول لنا احد انا اتينا ببدعه ماذا ياجدتي من الحصادي ؟ وانا مالي اسالي اهل الذكر هل زعلتي ياجدتي من درنه كتيبة ابو سليم امتع الاستاد سالم دربي لذا لن ازيد يعني علي عين اتداري عيون كثيره توا نسيتي سالم دربي اللي مره خليتك اتشوفيه في فيديو وهو يعمل في عصيده الحمدلله تذكرتي شنو عرفتي الحصادي حلو ريحتيني انا اساليي عن الذيب بس وطبعا وحتي البيبي امتعه محلاهم وهم جالسين مع بوهم الديب ياي هم هم هم

ايها الديب ابو سبعه ديبات اسرع لقد تم خطف شيخ الاجواد من فبل احد المتطرفين فكريا وجسديا ومن تم ذهب للاذاعه ليهدد بتفجيرها ان لم يتوقفوا عن بث الاغاني هههه وقالك ايه يادرنه لمتي ناسك دافنه راسها في الرمال مسكين شيخ الاجواد هيه ياذيب

غزال شارد ايدور علي الشيابين والغزايز الغزال الدي يضج جمالا ورومانسيه حتي انغيب عليه ايام اجده خش في جو الواك ووك

انا اليسار هو انا بس قصه العزوزات والشيابين هذا ماجناه ابي وجدي عليا ولم اجني علي نفسي اما شيخ الاجداد انا بس احسست ان خطر يحدق به ربما الجماعه امتع اياهم وضعوا عينهم علي جرده الجبالي وشوف عاد جرد نالوتي او غرياني هذه كل الحكايه اتشاو ... الموضوع الثاني يقول عاد الموقع وهو وين كان سبحان الله بلخبطوني اكثر ما غارقه في اللخبطه الموضوع الاخر كل يوم يفتحوا في ملف قاعده درنه صراحه دوخني بين القاعده والراس والتماليه فيه ناس مش عارفين كيف ايكدوا الخبر لانهم خايفين وربماتابعين ليهم هم ايجيبوا الخبر وبعدين لتغطية عين الشمس بالغربال يبدوا يسبحوا في الرودود مرات رفض الموضوع ومره جيره نرجسيه ومره تاكيد وبسرعة البرق نفي يعني طبيحه امفلفة انا سالت شخصيا احد الاصدقاء من منطقه شيحه عن قمو ضحك وقال هذا مايقدر ايدير شي وناس درنه لايمكن تسكت علي اي احد يلحق ضرر بدرنه وربي يستر ملخص كلامي اللي بالنهار معاهم وفي الليل ايسبوا فيهم مش امليحه في حق نفسه من يحب نهج القاعده لما يداري في حاله ويحكي علي المجتمع المدني والانتخابات خلاص افكارك تتبع الطالبان هذا رايك لكن اخترم اراء الاخرين مش لما راي مايمشيش ما فكرك اتخون الناس لا استوب وقف عندك

من هنا منتدي ايراسا المستقل والجر والذي لاولاء له الا لله القدوس والوطن لايهمني الموقع علي الفيس او الهاند انا اقول رساله الي كل اخوتي الليبين نحن جميعا ليبيون بعيدا عن هذا وهابي او اخواني اوعلماني اوتكفيري او زلم نحن كلنا ابناء لبيبا وبس تعالوا لاعاده الحياه لهدا الوطن تعالوا للبناء ونبذ الهدم ياناس حبو الناس الله اموصي علي الحب الحب فرح الناس وياويل اللي فينا مابحب

ياهووو تم بحمد الله ظهور شيخ الاجواد اخيرا لقد بحث عليه في كل الارجاء حتي ماقبل المخيلي ذاك المكان المهجور الا من ناس اصر شنو ايديرو صفوف صفوف المهم لم اكن اعلم انها هنا جنبنا جاري انا جاري والباب جنب الباب كان في يوميات ليبي انا سعيده لأن شيخ بخير اعجبني ماقلته وانت ترتشف قهوة الصباح علي الكورنيش الحمد لله بس ياريت تتقدم بقدمك خطوة تجد نفسك عندنا هنا الادب والثقافه والشعر ستجدونا منصتين لما تقول ياي

طيري ياطياره طيري ياورق وخيطان بدي ارجع طفله صغيره علي سطح الجيران ! عليك عالم وخلاص جعجعة طواحين عندهم الحق متكئين شاي ماشي قهوي جاي لاخدمه ولاقدمه خرف خرافين

انت قول الصدق وخلي الكذب شوري احسن جمله قراتها وانا اعةرها خير وصف لما يجري جولنا صراحه هذا التعبير مش ينطبق علي بنغازي وحدها بل لما يحدث في درنه طبعا الليبين صايرلهم زي قنوات العرب موضوع علي دول اخري نبش وتحليل ومصداقية خبر ايخص بلدنهم هات ياكذب نصفه وطمس لجذور الموضوع اغلبه حاجه فيها درنه الجماعه غم غم وكله خوف وتملعيق حاجه علي مدينه اخري خيط وفصل حتي الليل مايرقدوه ماتلق غير الاصابع من كثر طق طق متورمه مابعدها ليلهم امتحارف وقايلتهم امتحارفه العب مع الامم المتحده خليكم في حالكم مابين المخيلي والظهر الحمر اه ياضمير ميت زعما رمال صحراء شنو بدير بيها قطر والامارات حتي رملة ليبيا ماسلمت مش سادهم غاباتها هذا موضوع مايحكوش فيه مش شورهم عليك سلاطه وخلاص يا ه توا شنو جاب السلاطه حسني جعت

اه الحمدلله توا هكي جو امليح فساد بطني ولا رزقي الواضح صاحبننا الليله زهيتلها الربابه ماهو كان رايح ولقي روحه نازل فيها تنكيت لا وعلي منو القاعده يعني التماليه ياريت هالكلام اتقوله قدام ايمنو او علي صاحبه اللي يالك ذنيا قلابه وين اتروق ادير ضبابه ... توا اليسار مش اتقولي جو واك وووك هذا كلام جدي المهم قول عني ماتقول الاهم شيخ الاجواد راهو ماجبتش حاجه اجديده علي رباية الدايح قصه حفظينها عن ظهر قلب يعني احكينا حاجه هكي منعرفوهاش بس اطلعنا من جو الملك الصالح والحاكم الصالح انا انتعفرت من جو الحكام ولك تقديرنا هذه مافيشي شك

اموره ملمعموره شغلت عقلي وتفكيري اصلي انا مغرم صبابه وسهاري الحب تعابه ياخساره اكيده سيرتاحو عندما تكون الشمش اشرقت واهديت لهم نرجس عايزه انام ياابو سبع ديبات حلوات زي امهم طبعا مش زيك ياذيب يانايم ومخليني سهران لوحدي بليل البهيم ليه العوازل جسدني دول حقهم ايشمتو فيا .. من مكتبة جدتي الغنائيه وصباحك ياجار صباح الاطيار صباح الايام الحلوه والجيره والجار .. بونا نوتي سينيوري

صباح الورد ياغزال شارد بينا من مكان لمكان لو نعرف امتي ترقد وامتي تمشي للمدرسه وبعدين الواضح انت من محبي ام كلتوم وعبدالوهاب واللي بعمرك يسمع نانسي مسلسلات تركيه مش امدوخنا بين الحصادي وقمو وبنات ديبك الحلوات ولا فكرت تسالني علي رحلتي وكيف امشيت وجيت

في البدايه الياسمين والكفي الطربلسي هذي شويه ياعمنا توا الهجوم علي الغزال فهمناه بس الديب وبناته اتركهم في حالهم اما عندالوهاب وام كلثوم من اسطوانات جدي ام الاتراك مش شوري يعني شور جدتي وبقية الفاميليا شور يعني اتجاه اما الرحله امر يخصك وقمو والحصادي حديث الساعه فهمت توا وبلاش تصطاد في المياه الاسنه

ياعالم اذا انفسكم ماتغيرتش يعني ليبيا مكانك سر فيه ناس ايحبو البلاد تستمر لغاية في نفوسهم العفنه مصالحهم هكي والوطن اخر همهم شي اخر يؤلم كل انسان قلبه علي سمعة بلاده ليبين يمدوا في ايديهم للسوال نساء بنات ليبيات حفيدات المختار والسويحلي وعسكر وغيرهم قهوجيات في مقاهي حكومتنا مهتمه بالاجيئن سوريا وناسيه اهل تاورغاء والنازحين من الخوف والسلاح وتصفية حسابات اه ياليبيا فيقي ياحكومه من سياساتك وبرامجك الفاشله او ارحلي واعترفي بأنك عاجزه كرهتوني في كلمة شفافيه وانتم كذب وخوف اعلنوها بالصوت العالي انكم اقل قوه واكثر ضعف امام سلاطين السلاح تجار الحروب

عاجل:انتظرونا بعد قليل ستنطلق اذاعة درنه اف ام من منتدي ايراسا المستقبل مع مايطلبه المستمعون ستكون ضربة البدايه خطوظنا مفتوحه لأستقبال اهدائتكم انا الغزال الشارد احييكم بالحب بكل الحب

من سموره للواد كعبوره الوهابي بالذات من الحصادي للمزروعي والقنوشي والغنوشي وجارتنا ام الحسين ومن فتح الله لعلي سعد الله ومرات عمي حياه من الخيزران لليسار ومروان اللي امدوخها سبعه دوخات ومني انا لذيب ابو ورده حمرا والذيبه امراته عطيات .. خلاني انعم انعم خلاني خوتي مدعا الغالي متعذب واجد دايخ فكري لانرقد لا نوم ايجي كيف المفطوم اصغير مايعرف شي يا كي الخديم اللي عنده واشون قوي كيف المسكين اللي قاعد مطفي يا كي العريب اللي في وطنه براني كيف الفارس اللي ماركوبه مايجري انعم انعم كيف البنداق لذناد اسلاحه مرخي انعم انعم بودور غزير امهبني بدور غزير بدور اغزير امنسيني حتي روحي وحق اجدودي اللي حضار هلحال كله سايرلي امعذبني بدور اللي امجرب ماايلوم اعلي عقلي صاف وراح ادمار وزاد العين ادمر في نبكي من اللي شي في الدار ودمعته ديما تجري لوطاف نار امخليني لو طافي نار خلاني خوتي مدعه الغالي لانرقد لانوم ايجي

مبروك بس وين الحلويات وين المشروبات وين دعوات حضور الافتتاح هكي عرس بعلي الجو هذا غريب علي الغزال طيب ممكن نسألك ياغزال شارد انت من مطربك الذي تحبه؟ وممثلك اذا مافيش مانع

توا ياسيد اليسار شنو دخل العرس البعلي او المروي في درنه اف ام وبعدين الحلوي والمشروب لو فتحت بابه بنزعل طرف ثاني امتع اللبن والتمر وانا بما اني مستقله لاهكي ولاهكي عموما درنه اف ام مفتوحه ليك ايتها اغنية ايتها بصيره علي الرجب اما فناني المفضل هل عندك شك ابوعبعاب وبالذات يافقي عطوها والا اخوتا رفقتي يبوها يابراج برج شوف غاية بوها وممثلي بشكل خاص اقصير طوله يمشي في مشية معدوله ابوذراع ماغيره

تعالي ياذيب نحكيك حكايه توا انت عارف ان كل كلمه وتعبير ملكيتها محفوظه لمنتدانا ايراسا اصبر عليا وعارف عمنا سفيان بن قمو اندلعو فيه ونادوا عليه قومه بس فيه من يستعمل في هذا التعبير بكل راحه ومش عارف كشفته كشفته حلو صرت ياذيب نحكي درناوي امسقم صح اللي مأستعملاش حد غيرنا توا الواحد ياذيب نيطلقك عليه اتجيب امصارينه كدس لحم ليبي ماشي موت ياانت بغيضك واشرب العلقم باهي ارتاح توا وقومه وبس والباقي كله خس ياقومه انزلهم بالليل وحوس فيهم حوسه واطلع بعدها للظهر الاحمر ولاشفت ولا ريت مطلوق سراحك ياطوير هو النهار متحارف متحارف اخ ياكان انطوله انغزه بسنوني هو وساعته البراقه علي راي مواطنه ليبيه انا خايف ياديب ايطلع ولد سيدها اخ خ

اهدأ ياغزال ياشارد بينا في كل مكان وياسيدي ماتزعلش بلعكس انت لازم تفرح لان فيه من يعجبك كلامك ويستعمل وبعدين شنو حكاية عمنا قمو راهو نزعل منك وخلي بيبك اينام وبلاش كدس المصارين مسكين شنو ذنب اهله يحزنوا عليه نزعل راهو صرت من مؤيدي القومه هيا هكي بسرعه ينتهي ارسال اذاعتك انا لو سمحتي انحب نسمع اغنيه لحسين الجسمي واهديها لربيع بلحاج وسمر درنه

انا ديما هاديه امغير ريح روحك بعدين درنه اف ام مازالت تحت التجربه وقفنا بدري خفنا لايزقب عليا حد بجلاطينه من هنا والا من هانا وبعدين من عيوني امغير اطلب بس انشالله انزلولك حسين الجسمي معندناش مشكله وشكرا علي الاهبمام

بالحب كل الحب نعود اليلكم من جديد بهذا المساء العطر من طيب شذا انفاسكم نعود لكم ونحن نصنع من ورودنا اكليل نتوج بها رؤوسكم الشامخه شموخ جبالنا ولاننا لازلنا تحت تجريب بثنا نعتذر منكم مسبقا عن اي خلل طاري قد يحدث انتقل بكم الان الي غرفة البت الرئيسه لتلبيه ماترغبون وبناء علي طلب اخينا اليسار نلبي طلبه في بث هذه الاغنيه من درنه اف ام التي يهديها بدوره لربيع وسمر درنه لنستمع{بحبك وحشتيني بحبك وانتي نور عيني دا وانتي امطلعه عيني بحبك موت لفيت اده ايه لفيت مليت غير في حضنك بيت وبقولك انا حنيت بعلو الصوت وكأن الوقت في بعدك واقف مابيمشيش وكأنك كنتي معاي بعدتي او مابعتيش في دمي حببتي وام بتكون مابتدعيش وبحبك وحشتيني]

عدنا اليكم احبتنا من جديد كل الرجاء والتمني ان نكون قد ارضينا صديقنا اليسار وقبل ان اختتم معكم بثنا لهذا نتيجه كما سبق ونوهنا اعدكم بباقه من البرامج الجديده والتي يعمل فريقنا الان وحتي لأحرق مانود بثه لكم عبر اثيرنا اثيركم اثير درنه اف ام اعرض عليكم اسم مسلسل درامي ضحم بعنوان يابنيه علاش امنكده عليا وطبعا الاسم لا يث باي صله لصفحه بس بس يابنيه خيرك امنكده اعليا التي الجماعه اليوم امقيله فيه فوجب التنويه لجوكر واصدقائه مش {للجماعه اللي نلقوها يالو تحشي روحها في شيشه] فنحن مسلسل وليس صفحه منوعه اخوتي اعتذر ان قطع بثنا الان ونلتقي بأذن واحد احد لاتنسوا انتظرونا