كيف تختارين شريك حياتك

نصيحه قبل الزواج

بنااااااااااااااااااااااااااااات

اللي يفكرن بالزواج خوذن هالنصائح قبل كل شي ..

نصايح واقعيه لكن

وهي كيف تختارين شريك حياتك

أنصحك بالأتي :

أبتعدي كل البعد عن العريس العسكري وبجميع القطاعات

ماتستغربي وماتتسألي ليش حانقولك السبب

لان حياتك معه حتكون تحت المجهر وماتحلميش بخصوصيه

لامع خوات ولاصديقات ولاقريبات

وكل الناس عنده منتهيين وحايدرهلك كبدك بالآسئله والتحقيقات الي لها اول ومالها آخر

خليك منه و وطيعينــــــــــــــــــي

اما لو تقدملك راجل مدرس حتي هو متقبليش بيه حانفهمك ليش لان

له شكل دائما مرهق ومنتف ولبسه دوم متبهدل ومعبي طباشير حاتكملي حياتك وأنت تغسلي في لبسه

ودايم له كرش ...وديما راقيتله وصوته عالي وحكيه واااجد متعود على الشرح وايده طويله لانه اكيد متعود انه يضرب

وايام الدوام نفس الحمام من الساعه 9 تلقيه راقد

ولا يعرف رحلات ولا زرادي خليك منه وطيعيني

اما يا حنه لو تقدملك تكتور ماتفرحيش وأرفضيه علي طووووول حانقولك ليش
لان العريس الدكتور بحكم شغله

.. يقعد في المستشفى اكثر من مايقعد عندك

ويقابل كل يوم من الصبايا أشكال والوان .. مريضات وممرضات ودكتورات

وعاملات نظافه

طيعيني هذا ماتفكريش فيه ابدا

والعريس الشايب حتى لو مقروش ماتقبليش بيه

لان حاتكوني له ممرضه.. وسدك غير كحته

تبي تموتي بدري خوذيه

فطيعني لا متفكريش فيه حتي ولو كان مليونيرا

لان انت عارفه الصحه لا تعوض بثمن

وكان تقدملك واحد وسيم وحليوه

.........لالالالا متفكريش فيه اصحي اتورطي وتوافقي عليه

حانقولك ليش لانه حايتعبك وراه وانت ماتقدريش تمسكي روحك من الغيره

وتقعدي غير تبي اتحودي البنات من طريقه ودوخي راسك في التفكير هذه بحتت فيه وهذك ضحكت له

ايش تبي في دواخ هالراس واخره تلقيه ايضايق فيك في المرايا والسراحه تلقي عطوره وكريماته اكثر منك

احسن حاجه فكك منه........طيعيني

وكان تقدملك راجل شيخ دين

هو مش شين ومش مكروه

بس حطي في راسك غصبن عنك يجوز عليك 3 صبايا الشيوخ أغلبهم يديرو فيها

وانت متحبيش حد يشاركك يبقي طيعيني ومتوافقيش عليه

ولو انت راضيه وافقي عليه

هذه نصيحتي لكن

تمنياتي لكن بالزوج الصااااااااالح

و كات جاك عريس صاحب موقع شن انديروله

دوجااااااا

لالالا صاحب الموقع متفكريش فيه

طيعيني حايكملها لك نت وخلاص ومايعطيكش فرصه انك تقعدي حتي عالكمبيوتر

باه صدقتي يا سمراء كرم مزبوط
لكن يا شباب الواحد كيف يختار شريكة حياته

كلام حلو ياسمراء .... وكله عبر .. بس على كلامك مش حتجوز ... أصلا ً

--- وكم مره يجي الخطيب للبنت ... على كلامك 5 مرات وهم يخطبو , هو اصلا كان جاها على الاكثر خطيبين وووين معناها ملكة جمال .. ههه .. ونقولك . هم الاثنين حالتم منتهيه .. وعمرهم فوق الثلاثين وحيسكنها في حوش هله .....

وللأفــضل الي تبي تجوز فكها من حركات الطنش وترضى بالامر الواقع وأن نحن ليبيه وأخرى فوق من هذا أنا نحن دراونى منجربين مع أحترامى للجميع لكن هذا الامر الواقع في درنه ...... أما مدرس أو دكتور أو أعمال حره كلها جرب ورقادة ريح كان الدكتور بااكثر كان قبض 300 أو 400 أيش يبن يدرن ....
لذلك مع احترامي لأختي سمراء واحترم رأيها كل الاحترام أن ماقلتيه هو الطريق الى ----------) العنوســـــــه والى مدى الحياه ... تحياتي لكم ..

وتلك نصيحه للكل بنات درنه Shocked

يا نصحوح انت
هذه ليست بنصيحة

يا جماعه هالموضوع انا قصدت بيه نوع من المزاح

لا أكثر ولا اقل رجاءا ماحدا يفهمه خطأ

وما ينعطي أكبر من حجمه

» إقرأ هذا الدعاء ولو مره في حياتك
» أعجب صور ممكن أن تراها في حياتك - الرجاء الدخول والنشر!!!!! ما عذرك انت امام هائولاء سبحان الله