توقع شخصية العضو ال ؟؟؟

 توقع شخصية العضو اللى قبلك شن رأيكم يا اعضاء منتدانا الحبوبين نكتشفو شخصياتكم يعنى كل واحد يتوقع شخصية اللى قبله من خلال مواضيعه او ردوده او من خلال حدسك شن تتوقع .
ياى ى ى بعدها انا اول وحده اتخزرطونى يارب استر

انتي نحسك وحدة مش هينة واللي تبيها تاخذيها غصب عن الكل هههههههه
من خلال حدسي هذا

انتي انحس بيك وحده شاطره ودمك خفيف بس بلعوطه اشويه يعني حتي انتي مش هينه ههههه

بنوتة....... يعني اسم على مسمى بنوووووووتة...طيوبة . .الطيابة عندك بالهبل ....يعني حنونه وشاطرة اخرى هههههه

بعدين وين باقي الاعضاء بنقعدو انا بنوتة بس نحللو شخصياتكم وويينكم

انتو مكسدين بلكل

seham alamll كتب:

انتي نحسك وحدة مش هينة ‏ واللي تبيها تاخذيها غصب عن الكل هههههههه
من خلال حدسي هذا

. هكي صار ياسوسو ‎ ‎ باه صح انا اللي نبيها انسكر راسي عليها وناخذها . لكن مش هينه مافهمتش المعني بالزبط . لو قصدك مش اي حاجه تمشي عليا فهذا صح ، بس مش خبيثه لا لا لا لا قلبي ابيض وطيوب كيفك ياطيوبه.

تقى الشلوى كتب:

انتو مكسدين بلكل

اها اها بالزبط نحنا امكسدين بلكل ‎ ‎‏ ‏‎ خلينا انفرفشو اشوي عليش قاعد قسم الفكاهه ، شكلك حتي انت امكسد وامشارك امعانا هنا ‎ ‎ هههههخخخخ . باه خلينا نتوقعو شخصيتك . نتوقعك مدير عام بمنتدي و نتوقعك حاط صورتك ولابس نظاره وديما مشرف علي مشاركاتنا يعني امكسد امعانا بس مرات اتزلط فينا .

تقى الشلوى كتب:

انتو مكسدين بلكل

الموضوع في خطر

seham alamll كتب:

تقى الشلوى كتب:

انتو مكسدين بلكل

الموضوع في خطر

. أرعبتيني سوسو ، ياتري تقي يعلن الحرب علينا ويحذف الموضوع . يا ستار استر ياساتر .

#### تم حذف المشاركة من قبل الإدارة####

لا نسمح بهكذا اسلوب ، و تعليق خارج عن نطاق الأدب، الأخ : شاب ليبي ،، نود اعلامكم بان هذا انذار اول و الذي كان من المفترض ان يكون ثانيا ، انت قمت بمخالفة ضوابط الكتابة في منتدى ايراسا

تنبيه للجميع
اى شكوى تردنا من عضو لعضو اخر
يهدد فيه بالكشف عن هويته
او الافصاح عنه
او وصفه بقبيح الكلام
يفصل مباشرة من المنتدى

و اى عضو او عضوة لم يبلغ عن مثل هذه الانتهاكات يفصل هو الاخر من المنتدى

منتدى ايراسا منتدى بسيط على الساحة لكننا نفخر بلوائحنا
التى هي نبراسا لتميز غير منظور لفئة معينة من الشباب

تحياتى

تقى الشلوى
المدير العام لموقع و منتدى ايـــــــراسا

( و للعلم ..... ان حذفي للعديد من المواضيع الأخيرة جانبها الشك احيانا خوفا من الولوج في أمور أخري أكون أنا المحاسب فيها أمام الله تعالى اولا ...)

لذلك أدعوا الجميع لطرح مواضيع تتسم بهموم و مشاكل شباب درنه بشكل خاص و شباب ليبيا بشكل عام

و كل من رأي ان منتدانا لا يناسب أخلاقياته فابحث عن منتدى آخر و ما أكثرها على شبكة المعلومات


و شكرا

طارت النية خلاص

سهام اخره خلاص توقعت شخصيتها مافيش حد اخره وينكم باقي الاعضاء؟؟؟؟؟؟

زي ما قلت عليك سهام بلزبط

على قولتهم انحرق الفيلم